Bangkay sa sako sa Cagayan

ISANG bangkay ng lalaki na nakasilid sa sako ang natagpuan sa gilid ng sapa sa bahagi ng Barangay Marobbob, Amulung, Cagayan.
Kinilala ang bangkay na si Wilfredo Blance, 56, ng Barangay Sta Barbara, Iguig.
Isang residente ang nakakita sa bangkay dahil sa umaalingasaw na amoy. Ipinagbigay alam nila ito sa PNP-Iguig. May nakitang taga ng itak sa ulo ang bangkay.
Bago ito, nagtungo ang pamilya ng biktima sa himpilan ng PNP-Amulung nitong nakaraang linggo ilang araw nang nawala si Blance.
Nagsasagawa pa ng imbestigasyon ang pulisya sa krimen. (Rey Velasco)

The post Bangkay sa sako sa Cagayan appeared first on Police Files! Tonite.

Source: Police Files Tonite