ARESTADO ang drug suspek na nasa Top 6 Drug Personality ng Quezon City Police District Talipapa station 3 at nakumpiska ang may P102,000.00 halaga ng shabu sa isinagawang buy-bust operation sa Brgy. Baesa, Quezon City, Sabado ng gabi.
Sa ulat ni QCPD Talipapa police station 3 chief PLTCOL. Cristine Tabdi kay QCPD Director Police Brigadier General Danilo P. Macerin, kinilala ang nadakip na si Richmond Dalisay, 22 residente ng No. 27 NPC, Ambuklao Brgy. Baesa, QC.
Ayon sa QC police, dati ng naresto si Dalisay sa kasong Violation of Section 11, Article II of R.A. 9165 at kinasuhan sa Quezon City RTC Branch 217, subali’t nag-avail ng plea bargaining.
Nabatid sa ulat na isang confidential informant ang nagbigay ng impormasyon sa Talipapa police hinggil sa illegal drug activities ng suspek dahilan para magsagawa ang mga pulis ng buy-bust operation sa suspek, 6:30 ng gabi nitong Pebrero 21, 2021 sa kanyang bahay sa Brgy. Baesa,QC sa ilalim ng pamumuno ni PLT Darwin Pua hepe ng Station Drug Enforcement Unit (SDEU) ng Talipapa police
Nakumpiska mula sa suspek ang may 15 grams ng shabu na may street value na P102,000.00. (Boy Celario)
The post Top 6 Drug Personality sa QC, huli sa buy-bust appeared first on Police Files! Tonite.
Source: Police Files Tonite
Walang komento: