NASAKOTE ng mga pinagsanib na puwersa ng Philippine Drug Enforcement Agency (PDEA)- Cavite, PDEA-BARMM, Regional Drug Enforcement Unit 4A, at ng Bacoor City Police ang tatlong “high-value target” drug personalities sa buy bust operation sa Barangay Mambog 4, Bacoor City, Cavite, Martes ng hapon.
Kinilala ang mga nadakip na sina Solis Delmer, 36, electrician; Franco Arlen, 51; kapwa residente ng Barangay Molino II; at si Kevin Villar, 29, ng Bgy. Mambog III.
Sa report ng PDEA Calabarzon kay PDEA Director General Wilkins Villanueva, dinakip ng mga otoridad ang mga suspek matapos makipagtransaksyon sa isang ahente ng PDEA na poseur buyer.
Nakuha sa mga suspek ang isang plastic sachet ng shabu na may timbang na 500 gramo na nagkakahalaga ng P3.4 million, isang cellular phone, at itim na KIA CD5 sedan. (Jose “Koi” Laura)
The post 3 tulak sa Cavite timbog P3.4m shabu appeared first on Police Files! Tonite.
Source: Police Files Tonite
Walang komento: