Arestado ang isang babaeng guro nang makumpiskahan ng mga ilegal na droga sa search operation noong Huwebes ng umaga.
Ayon kay Police Capt. Jhun Jhun Balisi, hepe ng Gonzaga Police, nasa 26 na sachet ng shabu at mga drug paraphernalia ang nadiskubre nang halughugin ang bahay ng guro na hindi muna pinangalanan.
At sa nakasalansan na mga laundry basket, nakita ang isa pang sachet na naglalaman din ng shabu na tumitimbang naman ng humigit-kumulang 10 gramo.
Tinatayang nagkakahalaga ng P68,000 ang lahat ng mga nakumpiskang shabu sa guro na kabilang sa Regional High Value Target List ng drug personalities.
“May intelligence report na yung item niya galing sa Santa Ana, Santa Teresita, Aparri pati sa Santiago City,” ani Balisi.
Nahuli na rin ang nasabing guro dahil din sa kaparehong asunto noong 2019. Pero nakalaya nang makapagpiyansa.
“Ongoing yung hearing ng kaso niya,” ani Balisi.
Nakakumpiska pa ng 13 bala ng iba’t ibang kalibre ng baril sa bahay. Pero giit ng suspek, ginagamit lang umano nila ang mga bala bilang agimat.
Inihahanda na ang reklamong paglabag sa Comprehensive Dangerous Drug Act at Illegal Possession of Ammunitions laban sa guro.
The post Babaeng titser, huli sa droga appeared first on Police Files! Tonite.
Source: Police Files Tonite
Walang komento: