PATAY ang isang drug convict nang barilin dahil sa pag- amok nito habang nagsasagawa ng inspeksyon ang mga otoridad sa Bureau of Correction sa Zamboanga City.
Kinilala ang napatay na si Ronald Apariso Natividad, 48, national prisoner #N210P-0222, ng Barangay Calamba, Cebu City.
Ayon kay PNP Chief, Gen Debold Sinas, 9:00 ng umaga nang mabaril ang preso sa loob ng Dormitory No. 2 ng Maximum Security Compound ng San Ramon Prison and Penal Farm sa Barangay Talisayan, Zamboanga City.
Nabatid na sinugod ng naturang preso na armado ng patalim si Bucor Inspector Ave Akilit habang nag-i-inspeksyon sa Dorm 2 kungsaan ito nakakulong.
Agad naman rumensponde ang otoridad upang saklolohan si Akilit, ngunit sinalubong rin sila ng saksak ng preso, dahilan para mabaril ito.
Dinala pa si Natividad sa medical section ng bilanguan ngunit hindi na ito umabot ng buhay.
Nahatulutan si Natividad ng habambuhay na pagkakabilango sa kasong droga. (Mark Obleada)
The post Drug convict nag-amok, patay appeared first on Police Files! Tonite.
Source: Police Files Tonite
Walang komento: