Truck sumalpok sa poste: 2 patay

Nasawi ang dalawang nang sumalpok ang kanilang sinasakyang 10-wheeler truck sa isang poste sa Davao City, Biyernes ng gabi.
Nangyari ang aksidente sa Barangay Suawan, Marilog District sa naturang lungsod.
Agad rumesponde ang Central 911 Urban Search and Rescue Team para masagip ang driver at pahinante ng trak.
Ayon sa Sambunotan Youth Organization Quick Response Team, patay na ang driver, habang nakausap pa ng mga volunteer ang pahinanteng naipit sa trak. Pero binawian din ito ng buhay nang masagip mula sa pagkakaipit.
Hindi pa malinaw kung ano ang sanhi ng pagkakasalpok.
Pansamantala namang nawalan ng kuryente sa lugar dahil sa aksidente.

The post Truck sumalpok sa poste: 2 patay appeared first on Police Files! Tonite.

Source: Police Files Tonite