OFW minamaltrato ng employer sa Saudi

NAGPAPASAKLOLO ang pamilya ng Capizeña OFW na nagtatrabaho sa Saudi Arabia na pinagmamalupitan ng kanyang employer.
Ayon kay Manuel Villas Ofher, kapatid ni Anabel Villas Ofher, ng Sitio Bangkal, Barangay Maninang, Sapian, Capiz, isinumbong sa kanila ng kapatid na ginamitan ito ng spray sa mukha at dibdib ng employer at hindi pa nakuntento ay pinalantsa ang kamay nito.
Ayon kay Ofher, sa dalawang taon pagtatrabaho sa Saudi ng kapatid ay hindi na mabilang ang mga pananakit at pagmamalupit na ginawa sa kanya ng sadistang employer.
Dahil hindi na makayanan ang pananakit sa kanya ay humingi na ito ng tulong sa pamilya sa Pilipinas na nakipag-ugnayan rin sa mga ahensiya ng gobyerno.(Lordeth Bonilla)

The post OFW minamaltrato ng employer sa Saudi appeared first on Police Files! Tonite.

Source: Police Files Tonite