ISANG babaeng Grade 5 student ang dinukot habang naghahatid ng module sa iskul sa Banga, South Cotabato.
Kinumpirma ito ng ina ng biktima na si Jennifer Geongo.
Kuwento ni Gng. Jennifer, nagpaalam sa kanya ang kanyang anak na ihahatid ang module at exam nito sa kanilang paaralan 10:00 ng umaga nitong Lunes ngunit hindi na ito nakauwi pa.
Nabatid na malapit lamang sa bahay ng biktima ang paaralan.
Humingi ng tulong sa mga otoridad ang ina ng bata.
Ayon kay Police Major Joseph Forro III, hepe ng Banga-Philippine National Police, natukoy na nila ang suspek base sa nakakitang testigo.
Nakunan din ng CCTV footage ang pagdukot ng suspek sa biktima na isinakay sa motorsiklo.
Isang 23-anyos na lalaki na umano’y nagkakagusto sa biktima ang dumukot dito.
Naglabas naman ng P50,000 reward money si Mayor Albert Palencia sa sinumang makapagtuturo sa kinaroonan ng suspek at biktima.
The post Estudyanteng naghatid ng module sa iskul kinidnap appeared first on Police Files! Tonite.
Source: Police Files Tonite
Walang komento: