CEBU CITY – Patay ang mag-asawa nang mabundol ang kanilang sinasakyang motor sa pagitan ng isang trailer truck truck at isang minibus sa Naga City, Cebu.
Kinilala ang mag-asawa na sina Julian at Perilyn Dosdos.
Ayon kay Police Master Sergeant Jake Catane ng Naga Police Station, papauwi na ang mag-asawa sa lungsod ng Cebu galing sa paliligo sa dagat. Nangyari ang insidente sa harap ng isang pabrika ng semento nang huminto ang mag-asawa para sana patawirIn ang trailer truck galing sa pabrika papuntang kabilang kalsada. Subalit isang mabilis na minibus ang nakasunod at bumangga sa sinasakyang motor ng mag-asawa hanggang sa nasadsad ang mga biktima sa likuran ng trailer truck. Patay agad ang mag-asawa.
Depensa ng drayber ng minibus na si Seferino Lapuz Buro, nawalan siya ng preno at hindi na nakontrol ang bus.
Ilan sa 11 pasaherong sakay, kasama na ang drayber ng bus ang nasugatan sa insidente.
Nasa kustodiya ng Naga Police Station ang bus driver.
The post Mag-asawa patay sa bundol ng trak appeared first on Police Files! Tonite.
Source: Police Files Tonite
Walang komento: