Multicab nahulog sa bangin: 1 patay, 17 sugatan

ISA ang nasawi at 17 ang sugatan nang mahulog ang isang multicab sa Provincial Road sa Barangay Sangahon, Malitbog, Southern Leyte, Martes ng hapon.

Dead on arrival sa pagamutan ang driver ng multicab na si Alberto Payac, residente ng Matalom, Leyte.

Sa ulat, papuntang Bidlisiw Farm sa Barangay Guinabonan ang sasakyan. Pero pagdating sa pasulong na bahagi ng kalsada, huminto ang makina nito at dumausdos a hanggang sa mahulog sa bangin.

Agad na nadala sa mga ospital ang driver at mga pasahero para malapatan ng paunang lunas. Pero hindi na umabot pa ng buhay sa pagamutan ang driver.

The post Multicab nahulog sa bangin: 1 patay, 17 sugatan appeared first on Police Files! Tonite.

Source: Police Files Tonite