NASUNOG ang isang barko na nakadaong sa baybayin ng Barangay Salvacion, Tabaco City, Albay.
Ayon sa ulat ng Philippine Coast Guard, ang MV Delwin Matthew na pag-aari at pinatatakbo ng Pberwin Shipping Corporation na nakabase sa San Vicente, Milaor, Camarines Sur ay isang cargo vessel na may 22 crew.
Nakadaong ang barko para sa kinakailangang pagkukumpuni nang mangyari ang sunog.
Agad namang nakaresponde ang mga tauhan ng PCG at pinayuhan ang mga crew na lisanin ang barko habang inaapula ng Bureau of Fire Protection (BFP) ang sunog na nagsimula sa galley.
Sa imbestigasyon, faulty electrical wiring ang sanhi ng sunog.
Walang nasaktan sa mga tripulante ng barko.(Jocelyn Domenden)
The post Barko nasunog sa Albay appeared first on Police Files! Tonite.
Source: Police Files Tonite
Walang komento: