NAHAGIP ng CCTV camera ang pananakit ng dalawang siklista sa isang nagde-deliver ng tinapay na sakay ng tricycle sa Mandaue City, Cebu.
Sa video, makikita ang biktima na sakay ng tricycle kasama ang isa pang lalaki habang nakatigil sa traffic light.
Maya-maya lang, dalawang biker ang tumigil sa tapat nila at binatukan ang driver ng tricycle.
Ang isang rider, iniharang ang kaniyang bisikleta sa harap ng tricycle at kinompronta rin ang biktima.
Bukod sa batok ng isang biker, sinapak din siya ng isa pang biker.
Maya-maya pa, may dalawa pang bikers na dumating sa lugar.
Ayon sa biktima, nag-overtake siya sa babaeng biker na kasama ng mga nanakit sa kaniya.
Pero humingi naman daw siya ng paumanhin sa babaeng biker hanggang sa bigla nalang siyang saktan pagdating sa traffic light.
Dumulog na ang biktima sa taggapan ng National Bureau of Investigation-Region 7 para humingi ng tulong upang makilala ang mga nanakit sa kaniya at masampahan ng reklamo.
Sa huling ulat, nagkaayos na ang biktima at mga siklista.
The post Lalaki nagde-deliver ng tinapay, sinapak ng 2 siklista appeared first on Police Files! Tonite.
Source: Police Files Tonite
Walang komento: