MISTULANG manok na nilaslas ang leeg ng isang lalaki ng kanyang kainuman nang maungkat ang dati nilang alitan sa bayan ng Ibajay, Aklan.
Kinilala ang biktima na si Raffy Tabas, 30; habang nadakip ang salarin na kinilalang si Marlo Tejada, 34, kapwa ng Barangay Polo, Ibajay.
Sa report , 3:00 ng hapon nitong Sabado nang maganap ang insidente.
Ayon sa ulat, nag-iinuman ang dalawa kasama ang iba pa nang ungkatin ng isa nilang kainuman ang dati nilang alitan nitong nakalipas na selebrasyon ng Sto. Nino sa Kalibo, Aklan kungsaan nagsuntukan sina Tejada at Tabas.
Sinabi ng biktima na ayaw na niyang pag-usapan ang dating hindi pagkakaunawaan nila ni Tejada dahil nagkasundo na sila.
Subali’t kumuha ng kutsilyo si Tejada at nilaslas ang leeg ni Tabas.
Umawat ang mga kapitbahay ng dalawa at agad na dinala sa ospital si Tabas.
Inihahanda na ang kaukulang kaso laban kay Tejada.
The post Kelot ginilitan na parang manok ng kainuman appeared first on Police Files! Tonite.
Source: Police Files Tonite
Walang komento: