HALOS isang hakbang na lang ay matutupad na ang pinakapangarap ni Chanelle Molina- ang makapaglaro sa ultimong ambisyon ng lahat ng women cagers- ang WNBA.
Ipinanganak ng Filipino parents sa Island of Hilo , Hawaii,si Molina ay ipinagmamalaki ang kanyang pinanggalingang kultura na ngayon pa lang magkaka-produkto ng manlalaro na kanyang kakatawanin sa naturang top flight women’s league sa larangan ng basketball.
Dala niya psreho ang lahi at lipi bilang Filipina at Hawaiiana ng buong pagmamalaki sa kanyang pag-entra sa roster ng Indiana Fever sa Women’s National Basketball Association.
“I’m very excited to represent my culture in the league.To be the first WNBA Filipina basketball player and coming from Hawaii, I’m also representing that side of culture with pride”,pahayag ni Molina sa panayam ng international media.
“It’s an honor to be that role model for all those aspiring to be in my position and wanting to play in the high level and I’m glad to be representing my community.”
Si Chanelle na graduate ng Washington State University women’s basketball program, ay lumagda na kamakailan ng training camp contract sa Indiana Fever kung saan ay pasakalye na ito ng kumpetisyon sa upcoming WNBA season.
Si Molina ,na ang roots nito ay mula sa Quezon City at Ilocos Norte sa Pilipinas ay kasalukuyang naglalaro pa sa kanyang first professional basketball season sa Norrkoping Dolphins bilang key player sa Basketligan dam- top professional women’s hoops league sa Sweden at tatapusin niya ang season bago siya papasok sa Fever para sa training camp.
Habang ang Filipino towering cager na si Kai Sotto ay kumakatok na sa pintuan ng NBA at si Molina sa WNBA, buong kagalakan ang basketball -loving Filipinos maging mga Hawaiians sa pagkakaroon ng kanilang kababayan bilang unang Pilipino sa na makalalaro sa mundo ng bigtime basketball sa kasaysayan na halos abot- kamay na ang pangarap.(Danny Simon)
The post CHANELLE MOLINA UNANG PINAY NA MAGLALARO SA WNBA appeared first on Police Files! Tonite.
Source: Police Files Tonite
Walang komento: