EX-KAPITANA PATAY SA AMBUSH

NASAWI sa pananambang ang isang dating kapitana ng barangay habang sakay ito ng motorsiklo sa Barangay Bislig, San Andres, Cataduanes, Lunes ng gabi.
Kinilala ang biktima na si Lea Zamudio Vallespin, 45 anyos, dating tserman ng Brgy. Asgad at kasalukuyang collector-messenger ng Catanduanes Doctors Hospital sa bayan ng Virac.
Sa ulat, 11:30 ng gabi nadaanan ng mga motorista at ilang residente ang biktima na naliligo sa sariling dugo katabi ng kanyang nakabalandrang motorsiklo.
Nakakuha ang mga pulis ng pitong basyo ng bala ng hindi pa batid na kalibre ng baril sa lugar.
Patuloy pa ang imbestigasyon ng pulisya sa krimen.

The post EX-KAPITANA PATAY SA AMBUSH appeared first on Police Files! Tonite.

Source: Police Files Tonite