Arestado ang isang nagpakilalang fiscal para makapangotong ng P20,000 sa ikinasang entrapment operation sa bayan ng San Miguel, Bulacan.
Kinilala ang naaresto na si Hazel Victorio, residente ng Brgy. Balite, Bulacan.
Sa report, nagsumbong sa pulisya ang biktimang hindi na pinangalanan na nagpakilala si Victorio bilang si Fiscal Michael Cruz mula sa Office of the Provincial Prosecutor Office ng Malolos.
Ayon sa sumbong ng biktima, nanghingi si Victorio ng P20,000 kapalit ang paglaya ng kapatid ng biktima na nakakulong sa San Miguel Police Station sa kasong may kinalaman sa iligal na droga o Sec 5 and 11 Art. II RA 9165.
Agad na nagsagawa ng entrapment operation ang mga pulis sa bahay ng biktima sa Brgy. Pulong Bayabas 4:20 ng hapon na nagresulta sa pagkahuli ng suspek.(James de Jesus)
The post Pekeng piskal timbog sa kotong sa Bulacan appeared first on Police Files! Tonite.
Source: Police Files Tonite
Walang komento: