NAGULANTANG ang mga kagawad ng Manila Police District nang umalingawngaw ang putok ng baril sa loob mismo ng MPD headquarters nitong Biyernes ng umaga.
Ayon sa MPD-General Assignment Section, aksidenteng pumutok ang baril ni Corporal Rodolfo Fajardo ng MPD-Ancar sa loob ng kanilang opisina bandang 10:15 ng umaga.
Ayon kay MPD Director, Brig.General Leo Francisco, pinadis-armahan na niya si Fajardo habang isinasagawa ang imbestigasyon laban dito.
Sa report, nakaupo ang isang “Aling Lourdes” sa isang upuan na nakalagay sa labas o tapat ng Theft and Robbery Section nang humaging sa kanyang noo ang bala na tumama sa dingding ng MPD-ANCAR sa opisina ng Theft and Robbery Section at nabasag ang mga salamin.
Bibisita lang sana si Aling Lourdes sa kanyang kamag-anak na nakakulong sa Homicide Section nang mangyari ang insidente. (Jocelyn Domenden)
The post Pulis, dinis-armahan nang pumutok ang baril sa loob ng MPD headquarters appeared first on Police Files! Tonite.
Source: Police Files Tonite
Walang komento: