5-anyos batang babae pinatay sa sakal, itinapon sa damuhan

PINATAY sa sakal ang 5-anyos batang babae ng 27- anyos na lalaki sa Isabela City.
Kinilala ang biktima na si Kharshaifa Mamah Sajili, residente ng Barangay Tabuk, Isabela City.
At ang salarin ay kinilalang si Michael Loriano Tan, may asawa, ng Barangay Tabuk.
Ayon kay Capt Edwin Duco, spokesman ng PRO9, 3:00 ng hapon nang maganap ang insidente sa Barangay Sumagdang, Isabela City.
Nagtungo sa himpilang ng pulisya si Tan upang sumuko sa pagpatay sa bata sa pamamagitan ng pagsakal.
Itinuro rin ni Tan ang lugar kung saan niya itinapong ang bangkay ng bata. Pero hindi nito sinabi ang dahilan kung bakit niya pinatay ang paslit.
Sa report, nakita ang bangkay ng bata sa madamo at maputik na lugar sa Brgy. Sumagdang.
Hinihintay pa ang resulta ng examination sa labi ng biktima, kung ni-rape ito bago pinatay. (Mark Obleada)

The post 5-anyos batang babae pinatay sa sakal, itinapon sa damuhan appeared first on Police Files! Tonite.

Source: Police Files Tonite