Kinumpirma ng Bureau of Corrections (BuCor) na pumanaw na sa New Bilibid Prisons (NBP) sa Muntinlupa City ang kontrobersiyal na si dating Calauan, Laguna Mayor Antonio Sanchez nitong Sabado ng umaga.
Maalalang hinatulan si Sanchez, 72, sa rape-slay case sa estudyante ng UP Los Baños na si Eileen Sarmenta at pag-torture at pagpatay kay Allan Gomez.
Nagmula kay BuCor spokesperson Gabriel Chaclag ang impormasyon sa pagkamatay ni Sanchez.
Ayon kay Chaclag,inabutan na lang si Sanchez sa kanyang selda na hindi na gumagalaw 7:00 ng umaga.
Dahil dito, isinugod siya ng mga kasamahang bilanggo sa NBP hospital pero idineklarang dead on arrival ng mga doktor.
Nilinaw naman ni Chaclag na mayroon na rin karamdaman si Sanchez tulad ng chronic kidney disease, hypertension, gastroenteritis, prostate problems, at asthma.
Noong nakaraang taon, dinala rin ito sa ospital nang magpakita ng simtoma ng COVID-19 nang magkaroon ng outbreak ng virus sa pasilidad.
Na-convict si Sanchez at kanyang mga bodyguards noong taong 1993.(Gaynor Bonilla)
The post Convicted Ex-Mayor Sanchez namatay sa Bilibid – BuCor appeared first on Police Files! Tonite.
Source: Police Files Tonite
Walang komento: