Idineklarang dead on arrival sa ospital ang 45-anyos na tatay nang mabaril ng pulis na inagawan nito ng baril nang arestuhin sa kasong panghahalay sa sariling anak sa Brgy. San Roque, Mercedez, Camarines Norte Biyernes ng umaga.
Ang suspek na nasawi dahil sa dalawang tama ng bala sa dibdib ay kinilala lamang sa pangalang “Tanting” habang nasa pangangalaga na ng lokal na Social Welfare and Development ng bayan ang biktimang si “Len”, 9-anyos.
Sa ulat, naikuwento ni Len sa kalarong lalaki na laging siyang hinahalay ng kanyang tatay sa tuwing nalalasing ito.
Naikwento naman ng kalaro sa kanyang tatay ang dinaranas ng biktima kaya agad silang humingi ng tulong sa mga opisyal ng barangay.
Kaya’t 8:30 ng gabi ay nagsiksik ng cellphone at binuksan ang camera ang mga opisyal ng barangay sa butas ng dingding ng bahay ng mag-ama upang mapatunayan na nagsasabi ng totoo ang bata.
Pag-uwi ng suspek sa bahay ay muli na namang ginahasa nito ang anak na na-record ng cellphone pati na ang pagmamakaawa ng bata ay nairekord na bilang ebidensya kaya’t inaresto ang suspek.
Kinaumagahan, isinakay ng mga pulis ang suspek sa police car para dalhin sa ospital at ipa-medical exam bago dalhin sa presinto.
Habang binabagtas ang kahabaan ng Cory Aquino Boulevard ay inagaw umano ng suspek ang baril ng katabing pulis na si Cpl.Rojane Martinez kaya sumaklolo si Major Garcia at nagpambuno sila sa baril hanggang dalawang beses na naiputok ito sa dibdib ng suspek.
Isinugod pa rin ng mga pulis sa Camarines Norte Provincial Hospital sa bayan ng Daet ang suspek pero idineklara itong dead on arrival.
The post Daddy nabidyuhan nirereyp 9-anyos na anak, bulagta sa pulis appeared first on Police Files! Tonite.
Source: Police Files Tonite
Walang komento: