HIGIT P4 milyong halaga ng shabu ang nasabat sa buy-bust operation ng mga otoridad sa Barangay Barangka, Marikina City nitong Martes.
Ayon sa PDEA Eastern Office, nagkasa sila ng operasyon sa isang mall laban sa tatlong suspek na nagdala ng naturang kontrabando na nakasilid sa isang tea bag.
Nasa 600 gramo ng shabu na may halagang P4,080,000 ang nasamsam mula sa mga suspek. Kabilang sa mga naaresto ang dalawang lalaki na nasa edad 25 at 43, at isang 58-anyos na babae.
Ayon sa PDEA, taga-Laguna at Baguio City ang mga naaresto na dumarayo pa sa Maynila para magbenta ng iligal na droga.
Inaalam pa kung saan nakuha ng grupo ang nasabat na malaking halaga ng droga at kung sino-sino ang kanilang mga parokyano.
Walang piyansa ang kasong pagbebenta ng ilegal na droga na isasampa laban sa tatlo.(Gaynor Bonilla)
The post Higit P4m shabu nasabat sa Marikina appeared first on Police Files! Tonite.
Source: Police Files Tonite
Walang komento: