Kasama nang nakakulong ng 19-anyos na babae ang mister nang pasalubungan nito ng pagkaing hinaluan ng shabu sa La Loma Police Station 1 sa Quezon City, nitong Linggo ng hapon.
Kinilala ni Quezon City Police District (QCPD) Director, Police Brigadier General Danilo P Macerin ang nadakip na si Justine Kate Guinto, 19, residente No. 648 C. Palanca Street, San Miguel, Quiapo, Manila City.
Sa ulat, 4:40 ng hapon (March 7) nang mabuking ng La Loma Police Station 1 si Guinto makaraang inpeksyunin ng duty jailer ang mga dalang food packs para sa mister nito na si Sohail Arumpac na nakapiit sa kasong ilegal na droga.
“Ang pagkaka-aresto ni Guinto ay nagpapakita lamang ng pagiging alerto ng ating mga kapulisan sa loob man o sa labas ng ating stasyon. Ang kampanya laban sa iligal na droga mas lalo pa nating paigtingin at ating ipatutupad sapagkat nais nating maging maayos, mapayapa at ligtas ang ating siyudad,” ayon sa QCPD chief.(Ernie Dela Cruz)
The post Misis kulong sa shabu food packs para sa mister na preso appeared first on Police Files! Tonite.
Source: Police Files Tonite
Walang komento: