Natalong konsehal timbog sa P12m damo

ARESTADO ang isang natalong konsehal nang mahulihan ng 99 marijuana brick at isang bote ng marijuana oil na nagkakahalaga ng P12 milyon sa Tadian, Mountain Province.
Kinilala ang dinakip na si Rexton Bangang.
Sinabi ng Philippine Drug Enforcement Agency (PDEA) na maaaring ginamit ni Bangang ang drug money para makapasok sa gobyerno.
Pero natalo si Bangang sa pagka-konsehal noong 2019 local elections.
Tatlong buwan na minanmanan ng PDEA si Bangang na hinihinala ring supplier ng droga ng isang sindikato.
“Ito ay dinala at ibiniyahe ng isang masasabi natin na malaking tao doon sa Tadian, Mountain Province,” sabi ni PDEA-Cordillera Director Gil Castro.

The post Natalong konsehal timbog sa P12m damo appeared first on Police Files! Tonite.

Source: Police Files Tonite