NASA hot water ngayon ang bagitong pulis nang tamaan at mapatay ang isang bilango nang paglaruan at pumutok ang service firearms nito sa San Luis Municipal Police Station.
Ipinag-utos na ni BGen Valeriank De Leon, Regional Director, na disarmahan at isailalim sa drug test ang salaring si Patrolman Christian Torres, 27 anyos, ng Barangay 4, San Luis, Aurora.
Samantala ang biktima na binawian ng buhay habang nilalapatan ng lunas sa pagamutan ay kinilalang si Christian Gabral, 30, ng Brgy. Zarah, San Luis.
Ayon kay De Leon, naganap ang insidente Sabado ng gabi sa San Luis Municipal Police Station.
Nabatid na nagtungo si Torres sa harapang ng detention cell ng police station at binunot nito ang kanyang service firearms at pinaglaruan, pumutok ito at tinamaan si Gabral na noo’y nanonood ng television.
Agad na dinala sa pinakamalapit na pagamutan ang biktima ngunit binawian ito ng buhay sanhi ng tama ng bala sa dibdib.
Mahaharap si Torres sa kasong administratibo at kriminal.
(Mark Obleada)
The post PULIS NAGLARO NG BARIL PUMUTOK: PRESO TIGOK! appeared first on Police Files! Tonite.
Source: Police Files Tonite
Walang komento: