AKSIDENTENG nadiskubre ng mga otoridad ang apartment na ginagawang “sex den” na pinagtaguan ng isang tulak ng droga sa Barangay Abar 1st, Nueva Ecija, Miyerkoles ng gabi.
Sa report, nagresulta rin ito sa pagkakaaresto ng 14 lalaking trabahador ng nasabing sex den.
Ayon kay Colonel Jaime Santos, Nueva Ecija Police provincial director, nagsasagawa ng buy-bust operation sina Lt. Col. Criselda de Guzman, hepe ng pulisya rito, nang takbuhan sila ng suspek na si Ronnie Wagan alyas ‘Onnie’ at nagtago sa isang apartment unit na isa palang sex den.
Kinilala ang mga inaresto na sina Emmanuel Claudio, 31; Darren Zabala, 28; Mark Roxas, 30; Jomari Robles, 22; Gerald Villamor, 28; Richard Bryan dela Cruz, 35; Andrew Robles, 25; Christian Libunao, 30; Cristiano Juntino, 22; Jerome de Leon, 27; Alfredo dela Cruz, 31; Roberto Revillo, 18; Mark Anthony Castillo, 23; at Michael Jolo Palma, 20.
Nakatakas naman ang itinuturong may-ari at operator nito na si Allan Coloma.
Napag-alaman na ang modus ng mga naaresto ay magpapadala ng pornographic materials at website links sa kanilang mga kliyente at kalaunan tatakutin na ilalantad ang kanilang pagkakakilanlan kung hindi sila magbabayad ng halagang hinihingi sa kanila.
Sasampahan ang mga naaresto ng paglabag sa RA 10175 o “Cybercrime Prevention Act of 2012” at Art. 201, 299, section 4-E of RA 9208 o “Anti-Trafficking in Persons Act of 2003”.
The post ‘Sex den’ buking sa tulak na nagtago appeared first on Police Files! Tonite.
Source: Police Files Tonite
Walang komento: