2 patay, 4 sugatan sa banggaan ng kotse at truck

Patay ang dalawang menor de edad habang apat ang sugatan nang magkabanggaan ang sinakyang kotse at trak sa Sayre Highway, Sitio Musuan, Barangay Dologon, Maramag, Bukidnon.
Kinilala ang mga nasawi na sina Rommel Daang at Montelcalbo Pabelic.
Sugatan naman sina Niel Javier, Vincent Resolote, James Baldero at Zyra Ortiz.
Inihayag ni Maramag Police Station commander Lt Col Casam Ali na patungo ang mga biktima sa isang resort upang maligo kaya nag-renta ng sasakyan na pagmay-ari Junius Xavier Abapo mula sa Valencia City ng biglang nawalan ng preno kaya binaybay ang opposite lane dahilan na nakabangga ang trak na minaneho ni Totong Batahoy na nagmula pa sa Davao del Sur.
Inihayag ni Ali dead on arrival na dumating sa La Viña General Hospital ang mga biktimang sina Daang at Pabelic.
Nasa kustodiya na rin ng pulisya si Batahoy habang ang DSWD-Bukidnon ang humawak sa menor de edad na nagmaneho ng kotse.
Inaasahan na maghaharap ang may-ari ng mga sasakyan sa himpilang ng pulisya para sa posibleng amicable settlement.

The post 2 patay, 4 sugatan sa banggaan ng kotse at truck appeared first on Police Files! Tonite.

Source: Police Files Tonite