SA gilid ng kalsada sa Muntinlupa City natunton ng mga pulis ang isang van na ninakaw sa Paranaque at ginamit ng mga kriminal sa pangingikil.
Naaresto ng Parañaque Police sa follow-up operation ang mga suspek sa carnapping na sina alyas Emran, Nonoy, at Natoy.
Sa ulat ng National Capital Region Police Office, tinangay ang van habang nakaparada malapit sa footbridge sa Roxas Boulevard noong Linggo.
Pagkatapos, nanghingi si Emran ng P70,000 sa may-ari kapalit ng pagbalik ng sasak-yan at nahuli ito ng Parañaque police anti-carnapping and intelligence unit.
Inamin ni Emran kungsaan iniwan ang sasakyan sa kalsada ng Barangay Tunasan, Muntinlupa, at itinuro ang umano’y kasabwat.
Nahulihan naman si Nonoy ng mga gamit sa pagnanakaw gaya ng pagbukas ng kandado.
Tinutugis ng pulisya si alyas Pilot na taga-Paliparan, Cavite, na itinuro rin ng grupo na kasamahan nila sa pagna-nakaw.
Nahaharap ang tatlo sa mga kasong paglabag sa Anti-Carnapping Act of 2016, robbery extortion at possession of pick-locks or similar tools.
(Gaynor Bonilla)
The post 3 karnaper timbog sa Muntinlupa appeared first on Police Files! Tonite.
Source: Police Files Tonite
Walang komento: