Tagaytay City, Ca-vite – Masuwerteng hindi napuruhan ang isang policewoman ng Tagaytay City Police Station nang palakolin sa ulo ng isang may problema sa pag-iisip Martes ng hapon sa Barangay Crossing Mendez East ng naturang lungsod.
Ang biktima ay nakilalang si Patrolwoman Geraldine Prado, habang ang salarin nakilalang ay si Dennis Fenol, kapwa residente ng nabanggit na barangay.
Sa inisyal na report, naglalakad ang pulis galing sa isang patahian ng damit nang lapitan at hatawin ng dalang palakol ni Fenol sa ulo. Masuwerteng hindi napuruhan ang biktima.
Agad dinala sa Ospital ng Tagaytay ng mga residenteng nakakita sa insidente ang biktima na ngayon ay nagpapaga-ling na sa kanilang bahay, habang nakakulong ang salarin sa Tagaytay City Police at hinihintay ang utos ng korte para dalhin ito sa mental hospital.
(Jose Koi Laura)
The post Policewoman pinalakol ng baliw appeared first on Police Files! Tonite.
Source: Police Files Tonite
Walang komento: