Camp General Miguel Malvar, Batangas – Dalawa ang patay at isa ang nasa malubhang kalagayan sa magkakahiwalay na shooting incident dito sa lalawigan nitong Miyerkules.
Sa ulat na ipinadala ng Batangas Provincial Police Office (BPPO) sa Calabarzon Police Regional Office (PRO4A), nasawi ang negosyanteng si Hydie Bathan 6:45 ng gabi sa Barangay San Carlos, Lipa City nang barilin sa ulo ng isang lalaki na mabilis na tumakas matapos ang pamamaril.
Patay naman si Barangay Councilor Buenventura Caraig nang pagbabarilin ng riding in tandem 8:30 ng gabi sa Bgy. Binubusan, Lian. Narekober sa crime scene ang 4 basyo ng bala ng kalibre .45 pistola.
Masuwerte namang hindi napuruhan si Eduardo Mendoza nang pagbabarilin habang nagmamaneho ng dump truck kasama ang kanyang anak 6:40 ng gabi sa Bgy. Antipolo Del Sur, Lipa City.
Walang detalye na ibinigay ang biktima kung bakit siya pinagbabaril ng mga ‘di kilalang salarin. (Jose Koi Laura)
The post 2 patay, 1 grabe sa barilan sa Batangas appeared first on Police Files! Tonite.
Source: Police Files Tonite
Walang komento: