NADAKIP na ang limang pangunahin suspek sa paggahasa sa isang 16-anyos na babae sa isinagawang operation sa Libon, Albay.
Kinilala ang mga nadakip na sina Kenneth Samuel Tarbina alias Danom, construction worker, ng Sitio Pahinahan, Barangay San Jose, Antipolo City; Pablo Roquio Jr. alias Onio, truck driver, ng Bgy. Jesus Dela Pena, Malvar St., Marikina City; Joshua Gonzales, construction worker, ng Bgy. Estrelia, Nueva Ecija; Melboy Olicia, electrician, ng Bgy. Gulod, Novaliches,Quezon City; at Edmond Fernandez, cook, ng St. Francis V, Bgy Canlalay, Binan City.
Ayon kay Brig. General Jonnel Estomo, Regional Dir. PRO5, isinagawa ang operasyon ng mga pinagsanib na elemento ng Libon Police Station, 1st Albay PMFC, RMFB5 at Albay PPO, base sa warrant of arrest sa kasong 2 counts rape laban sa mga suspek na ipinalabas ni Judge Edwin C. Ma-alat ng RTC Branch 13, 5th Judicial Region, Ligao City, na walang piyansa noong Nov. 20, 2012.
Sa report, ang mga suspek ang nang-rape sa isang Runalyn, ‘di tunay na pangalan, 16, nang malasing ang biktima matapos makipag-inuman sa Pantao New Market, Pantao Libon noong 2011. (Mark Obleada)
The post 5 gumahasa sa 16-anyos arestado sa Albay appeared first on Police Files! Tonite.
Source: Police Files Tonite
Walang komento: