ARESTADO ang pitong Chinese nationals dahil sa paglabag sa health protocol (social distancing), vaping at nakuhanan pa ng droga sa Pasay City, Martes ng umaga.
Kinilala ang mga dinakip na sina Deng Hongsheng, 24; Kai Liu, 23; Li Mingfa, 29; Li Xuan, 25; Li Donghui, 27; Huang Chun-We, 31; at Ruan Gouhui, 27; pawang nakatira sa Azure Urban Resort Residence, Parañaque City.
Sa report, naganap ang insidente 9:00 ng umaga sa Hobbies of Asia sa Diosdado Macapagal Boulevard, Barangay 76, Pasay City.
Habang nagsasagawa ng inspection ang mga police para sa safety at security measure kontra Covid-19, namataan nila ang mga Chinese na magkakalapit na naglalakad at naninigarilyo sa pamamagitan ng vaping.
Sinita ng mga pulis ang mga dayuhan dahil sa paglabag sa health protocol, pero nang kapkapan ang mga ito ay nakitaan ng 0.7 gramo ng shabu na nagkakahalaga ng P4,760.00. (Gaynor Bonilla)
The post 7 Tsekwa lumabag sa health protocol huli sa droga appeared first on Police Files! Tonite.
Source: Police Files Tonite
Walang komento: