Ni GERRY OCAMPO
NGAYONG ganap isang Kapuso talent si Beauty Gonzales ay hindi malayong matupad ang matagal na niyang kagustuhang makasama ang mga comedian actor sa GMA 7, partikular na si Michael V.
Sa interview kay Beauty sa 24 Oras ay naikuwento nito matapos na pumirma ng kontrata sa GMA 7 na bata pa raw siya pinapanood na niya ang comedy show ni Michael V, at gusto niya ang tema ng pagpapatawa ni Bitoy.
“Gusto ko magawa o mapasama sa isang comedy show at makasama ang idol ko na si Michael V. Bata pa lang ako ay pinapanood ko na siya. Sana makasama ko siya sa isang project,” say ni Beauty.
Best friend ni Beauty ang ex ni John Lloyd Cruz na si Ellen Adarna at madalas ang dalawa ang nag-uusap kapag may problema si Ellen,
Kahit hindi sabihin ni Beauty ay tila may crush siya kay Lloydie dahil kapag napag-uusapan nila ni Ellen ang actor ay tila kinikilig ito.
Ngayong isa nang Kapuso si Beauty ay posibleng magkasama sila ni Loydie sa isang project.
Ngayon pa lang ay inaabangan na si Beauty ng Bubble Gang barkada para makasama niya ang kanyang iniidolo na si Bitoy. Pagdating kasi sa pagpapatawa ay hindi rin nagpapahuli si Beauty dahil bukod sa pagiging sexy ay kikay at kalog din ito sa tunay na buhay.
***
Winwyn tinuldukan na ang pagsali sa beauty pageant
Sinarado nang tuluyan ni Winwyn Marquez ang posibilidad na muli siyang sumali sa beauty pageant lalo na sa Bb Pilipinas 2021.
Sa mga throwback photo video ni Winwyn nang pagrampa niya sa Reina Hispanoamericana na siya ang kinoronahan noong 2017, may nagtanong sa kanya kung sasali pa siya sa beauty pageant. Ang iba kasing kandidata na hindi nanalo sa contest o mga runner-up lang ang nauwi ay sumasali uli at nagbabakasaling manalo na.
Tulad ni Winwyn ay marami pa rin ang nanghihikayat na sumali siya muli sa beauty contest kahit na tinanghal na siyang winner sa Reina Hispanoamericana, kahit na 29 years old na siya.
“Photo dump!!! I bet you guys haven`t seen these photos.
“I am overwhelmed with all of your messages grabe non-stop. 2015 and 2017 ako sumali. Ngayon 2021 na at hanggang ngayon ganyan pa rin kayo. Thank you so much pero hanggang sa pag-support na lang ako sa mga candidates natin and sa mga gustong sumali sa pageant. Minsan magbubukas talaga tayo ng ibang chapter sa buhay natin and need mag-move on sa ibang bagay, but sabi nga di ba once a Miss Philippines, always a Miss Philippines!” say pa ni Winwyn.
Hindi rin nagmamadali si Winwyn na magkaroon ng lovelife. Tama raw ang naging desisyon niya na maging single at paghandaan ang kinabukasan.
The post Beauty wish makasama si Michael V sa comedy show nang maging Kapuso appeared first on Police Files! Tonite.
Source: Police Files Tonite
Walang komento: