MULING masisilayan ang husay sa ibabaw ng 64 squre board ni Gabrielle Ordiz Nuqui ng Barangay Mawaque , Mabalacat City, Pampanga sa pagtulak ng Grandfinals ng National Age Group Chess Championships na iinog mula Hunyo 26 hanggang 30, 2021 sa Tornelo platform.
Ang 13 years old Nuqui na grade 7 pupil ng Mawaque High School sa Mabalacat City, Pampanga ay muling makikipagtagisan ng talino sa ajedrez matapos makapasok sa main draw.
“I hope to do well in the upcoming Grandfinals of the National Age Group Chess Championships,” sabi ni Nuqui, 6th place sa National Age Group Semi-finals.
Si Noqui ay mapapalaban ng husto sa mga heavyweight woodpushers sa Under 14 category na kinabibilangan nina newly-minted National Master (NM) Mark Jay Bacojo ng Dasmarinas City, Cavite, Arena Grandmaster (AGM) Fletch Archer Arado ng Zamboanga City and Arena Grandmaster Christian Gian Karlo Arca ng Panabo City, Davao del Norte at iba pang qualifier.
Kasalukuyang nasa marubdob na pagsasanay si Nuqui a ilalim ng kanyang coaches at trainers na sina Robert Halili, Rusby Salalila, Jeffrey Pascual, John Gregorio, Eugene Dimarucut at Jewello John Vegafria.
Si Nuqui ang Brainy Chess Academy Under 18 Champion at Number 1 Player sa Mabalacat City, Pampanga.
Si Gabriel Prevandos ng Angeles City, Pampanga ang magsisilbing Hybrid Tornelo Arbiter sa nasabing chessfest, na inorganisa ng National Chess Federation of the Philippines sa pakikipagtulungan ng Philippine Sports Commission at ng Philippine Olympic Committee.
Ang Tournament Director ay si NCFP Chief Operating Officer GM Jayson Gonzales na ang assistant ay si PACC President Chief Arbiter IA Reden Cruz. (Marlon Bernardino)
The post Gabrielle Ordiz Nuqui sasabak sa Grandfinals ng National Age Group Chess Championships appeared first on Police Files! Tonite.
Source: Police Files Tonite
Walang komento: