NASAWI ang isang guro nang bugbugin at saksakin ng dati nitong estudyante sa Caloocan City.
Kinilala ang biktima na si Raul Punzalan, 55, guro ng Tala High School at residente ng Phase 7-B Bagong Silang Cal. city. At ang salarin ay kinilalang si Albert Guanlao, 38, may-asawa, at residente rin ng nasabi rin lugar.
Sa ulat, Biyernes ng hapon nang isugod sa ospital ang biktima na natagpuang puno ng saksak at pasa sa mukha, braso at binti ng kanyang kaanak at kapitbahay.
Nauna rito, 9:00 ng umaga nang mapansin ng kapitbahay ng biktima ang pagdating ng isang lalaki at nagsalita ng ‘Sir’. Lumilitaw na bisita ng biktima ang lalaking na dati nitong estudyante at umano’y nobyo ngayon.
Sa report, pinilit katukin ng kanyang mga kaanak at kapitbahay si Punzalan dahil may napansin silang usok sa loob ng bahay nito subali’t hindi ito sumasagot, kaya napilitan silang sirain ang pinto ng bahay. Dito nila nakita ang kalunus-luos na sinapit ng biktima.
Lumabas na sa ilong at bibig nito ang dugo, habang puro blackeye ang dalawang mata at namamaga ang mukha ng guro.
Naisugod pa si Punzalan sa ospital subali’t Sabado nang bawian ito ng buhay.
Ayon sa ulat, habang naghihingalo ang biktima ay sinubukan pa nitong isulat sa kanyang pa-lad ang pangalan ng salarin.
Sa follow-up operation, nadakip si Guanlao na kinilala ng mga kapitbahay at kaanak na nakausap ng biktima bago maganap ang krimen.
Isasailalim sa drug test si Guanlao habang inihahanda ang kasong murder. (Beth Samson)
The post Killer ng bading na titser sa Caloocan City timbog appeared first on Police Files! Tonite.
Source: Police Files Tonite
Walang komento: