LAGUNA – Isa ang patay at isa ang sugatan nang tambangan ng riding in tandem criminals ang magkasintahan na sakay ng kotse sa Barangay Poblacion Dos, Pagsanjan, Linggo ng gabi.
Sa ulat ni Laguna PNP Public Information Officer (PIO), Lt. Col. Chitadel Gaoiran, nakilala ang nasawi na si Sean Cuaderno, 24 anyos; at ang sugatan nitong kasintahan ay si Marjorie Benelada, 21, kapwa negosyante at residente ng Bgy. Binan, Pagsanjan.
Nangyari ang insidente 8:40 ng gabi. Lulan ang magkasintahan ng kotse na minamaneho ni Sean nang pagbabarilin ng riding in tandem.
Bago binawian ng buhay, nakapagbigay pa ng detalye sa pulisya si Sean. Nasa maayos nang kalagayan ang misis nito.
Itinuturo nitong utak sa krimen ang ina ng dati nitong kasintahan na si Cecile Baosing dahil sa mga pagbabanta nito sa kanyang buhay.(Dick Garay)
The post Magdyowa sa Laguna inambus; lalaki patay appeared first on Police Files! Tonite.
Source: Police Files Tonite
Walang komento: