KAYA pala hindi mahuli para silbihan ng warrant of arrest ang isang wanted person ay matagal na itong nasa loob ng Muntinlupa City Jail.
Kinilala ang wanted person na si Aljon Navarro alias “Aljon Nono”.
Sa ulat, matapos magpabalik-balik ang mga otoridad sa bahay ni Navarro, sa pasilidad ng Bureau of Jail Management and Penology (BJMP) sa Barangay Tunasan, Muntinlupa City ito natunton.
Pinaghahanap ng Warrant and Subpoena Unit ng Muntinlupa Police si Navarro nang lumabas May 19, 2021 ang kanyang warrant of arrest mula sa sala ni Judge Gener Gito ng Regional Court Branch 204, Muntinlupa City. Ito’y may kaugnayan sa kaso nitong paglabag sa Comprehensive Dangerous Drugs Act of 2002-Possession of Dangerous Drugs (RA 9165 Article II),
Pero ang hinahanap ng warant unit ay himas-rehas na pala nang mahuli noong February 16, 2021 sa kasong Frustrated Murder.
Ibabalik si Navarro sa court of origin para sa kaukulang disposisyon.
The post Wanted person ‘di mahuli-huli, natunton sa Muntinlupa City Jail appeared first on Police Files! Tonite.
Source: Police Files Tonite
Walang komento: