SUGATAN ang mag-inang lulan ng kotse na napitpit nang maatrasan ng 10-wheeler truck na kargado ng bigas at tumirik sa gitna ng matarik na kalsada ng San Jose Del Monte , Bulacan, Sabado ng hapon.
Kinilala ang mag-ina na sina Joanna Torrefiel, 36 anyos, online seller; at anak na 16- anyos na babae, kapwa residente Barangay San Vicente, Sta. Maria, Bulacan.
Ang truck driver ay nakilalang si Rimus Regalado, 42, ng Bgy. Kaypian, SJDM.
Sa report, nangyari ang aksidente 3:30 ng hapon ng July 10 (Sabado) sa Crossing ng Bgy. Muzon.
Ayon sa ulat, habang ginagawa ang nasiraang truck sa gitna ng kalsadang pataas nang aksidenteng umatras ito pababa. Naatrasan nito ang kotseng Toyota Vios (NGB 7908) hanggang sa mabangga pa nito ang isang tindahan sa lugar.
Agad isinagawa ang rescue retrieval operation sa mag-inang naipit sa loob ng kotse habang nakadagan ang likurang bahagi ng truck.
Nagtamo ng mga sugat sa ulo at katawan ang mag-ina na isinugod sa Ospital ng SJDM.
The post Kotse napitpit ng truck, mag-ina sugatan appeared first on Police Files! Tonite.
Source: Police Files Tonite
Walang komento: