NASAWI ang magkaibigan nang paliparin ang kanilang motorsiklo Sabado ng madaling araw sa Cebu.
Kinilala ang mga biktima na sina Jodell Domque, 17, taga Sitio Bonsai, Barangay Bolinawan; at Niño Crisanto, 21, taga-Sitio Ylaya, kapwa ng nasabing bayan.
Sa report ng Carcar Police Station, 3:20 ng madaling araw nang maganap ang insidente sa national highway sa Bgy. Bolinawan, Dakbayan sa Carcar.
Ayon kay Police Corporal Argie Noel Espinosa, minamaneho ni Domque ang kanyang kulay itim na Honda XRM 125, habang si Crisanto naman ay dala ang kulay blue na Honda XRM.
Sinasabing mabilis ang patakbo ng dalawa sa kani-kanilang motorsiklo dahilan para sumemplang ang mga ito.
Dinala pa sa ospital ang dalawa pero dineklarang patay sanhi ng matinding pinsalang tinamo sa ulo at katawan.
The post Magkaibigan lasog sa pinalipad na motorsiklo appeared first on Police Files! Tonite.
Source: Police Files Tonite
Walang komento: