Pulis labas ang bituka sa ‘killer truck’ sa Rizal

DUROG ang katawan at labas ang laman-loob ng isang tauhan ng Rizal PNP nang mabundol ng cargo truck habang nagpapakuha ng larawan sa Tanay, Rizal.

Kinilala ni Police Lt. Col. Resty Damaso, hepe ng Tanay Police, ang biktima na si Corporal Kirk Dauglas Tolentino, nakatalaga sa Cainta Municipal Police Station; habang nadakip naman ang cargo truck driver na si Dante Yarcia Sarmiento.

Ayon sa imbestigaston ni Patrolman Danilo Morales Jr., 7:30 ng umaga ng Sabado, July 10, nangyari ang aksidente sa kurbadang bahagi ng Sitio Bayucan, Barangay Sampaloc, Tanay.

Nabatid na kumuha ng view photo na overlooking sa lugar ang biktima kasama ang backrider nito na namahinga mula sa mahabang biyahe, nang masapol ng 10-wheeler truck na minamaneho ni Sarmiento, na nawalan ng preno at nag-overtake sa kurbadang bahagi pababa sa lugar.

Durog ang katawan ng pulis habang tumaob ang cargo truck na hatak-hatak ang 10 wheeler na napigtal ang lock.

Nakapiit na sa Tanay PNP ang truck driver na nakunan pa ng ilang shabu paraphernalia at nahaharap sa kasong ‘reckless imprudence resulting to homicide at damage to property’.(Edwin Moreno)

The post Pulis labas ang bituka sa ‘killer truck’ sa Rizal appeared first on Police Files! Tonite.

Source: Police Files Tonite