ISABELA – Nasawi ang isang pulis sa minamanehong motorsiklo nang salpukin ang sinusundang kotse sa kahabaan ng pambansang lansangan sa Barangay Sillawit, Cauayan City dito sa lalawigan.
Kinilala ang nasawi na si Carlo Angelo Gaffud, 29 anyos, binata, miyembro ng Cabatuan Police Station, residente ng Bgy. Nungnungan 2, Cauayan City.
Ang may dala naman ng kotse (puting Hyundai Accent TXZ 111) na binangga ng pulis ay nakilalang si Ronie Aquino Jr, 23, medical tech, ng Purok 2, San Miguel, Luna.
Sa inisyal na imbestigasyon ng pulisya, binabagtas ng dalawang sasakyan ang daan pahilaga kungsaan nasa unahan ang kotse at nakabuntot ang motorsiklo. Tinangka ng motorsiklo na iwasan ang barikada sa ginagawang kalsada pero bumangga naman siya sa kotse, dahilan ng paghandusay ng pulis sa shoulder ng kalsada kungsaan nagtamo ito ng malalang sugat. Samantalang nabangga naman ng kotse ang isang tricycle sa kabilang shoulder ng kalsada.
Dinala ang pulis sa pagamutan ngunit binawian ito ng buhay.
Nagtangka tumakas ni Aquino ngunit naharang ito sa police checkpoint ng Reina Mercedes Police Station.
Nahaharap sa kasong Reckless Imprudence Resulting in Homicide at Damage to property si Aquino na pansamantala na kustudiya ng pulisya.(Rey Velasco)
The post Pulis patay sa minamanehong motorskilo appeared first on Police Files! Tonite.
Source: Police Files Tonite
Walang komento: