PINAGSASAKSAK at tinangay ng dalawang holdaper na babae at lalaki ang kita ng isang taxi driver na kanilang biniktima sa Baguio City.
Sa ulat, nakaligtas pero nagtamo ng mga saksak sa braso at kamay ang driver na si Joel Toralde.
Kuwento ng driver, pinara siya ng mga salarin sa Lower Magsaysay Road at nagpahatid sa night market.
Pero pagdating sa night market, muling nagpahatid ang dalawa sa kanilang pinanggalingan.
Nang magawi sila sa isang madilim na lugar, nagdeklara ng holdap ang babae.
Nakipagbuno ang driver sa lalaking holdaper at doon na siya pinagsasaksak.
Bukod sa kaniyang kinita sa pamamasada na P3,000, kinuha rin ng mga salarin ang memory card ng kaniyang dash camera.
Patuloy ang imbestigasyon ng pulisya para makilala ang mga salarin.
Payo ng pulisya sa mga driver, magduda na kapag nagpapapalit-palit ng lugar na paghahatiran ang kaniyang pasahero.
The post Taxi driver hinoldap, sinaksak pa ng pasahero appeared first on Police Files! Tonite.
Source: Police Files Tonite
Walang komento: