Derek nililihim ang eksaktong petsa ng kasal kay Ellen

Ni JULIET PACOT

INAATAT pa ni Derek Ramsay ang kanyang fans sa nalalapit nitong kasal kay Ellen Adarna.

Ayaw pang kumpirmahin ng aktor kung totoong ngayong September ang wedding bells nila ni Ellen.

Umugong na ang balita pero nang hingan ng update si Derek,  hanggang wedding preparations lang daw ang puwede niyang sabihin.

Ayaw kumpirmahin ni Derek ang eksaktong petsa ng kasal.

“Hello dear. Wedding plans are happening as we speak, but hindi kami mag-announcement.”

Malalaman na lang pagkatapos ng kasal, at siguro ibabahagi naman nila ito sa kanilang vlog.

Nabanggit noon ng engaged couple na mas gusto nila ang simpleng seremonya lang, pero nu’ng napag-usapan na raw ito ng pamilya, nadagdagan nang nadagdagan ang plano, at medyo bongga na raw, sabi ni Ellen.

Hindi pa nila masabi kung masusunod ba ang original date ng kasal dahil sa pabagu-bagong quarantine status.

Open sila sa posibleng pagbabago ng date. Pero sa ngayon ay stick pa rin daw sila sa original date.

Ang tanging maitsitsika lamang daw ni Derek ay ang posibleng pagsasama nila ni Bea Alonzo sa isang project sa GMA-7.

Hirit ng fans na si Derek ang bagay i-partner kay Bea, pero depende raw iyon sa GMA-7 kung gustong siya ang kuning leading man.

Open daw si Derek sa ideyang iyon, dahil gusto talaga niyang makatrabaho ang bagong Kapuso actress.

Kung sa wedding plans tikom ang bibig ng aktor, kinumpirma naman nito ang pagbabalik-trabaho sa Kapuso network.

Gayundin, ang pagpapasakal, este pagpapakasal niya kay Ellen.

At least, ke personal o propesyunal na buhay ni Derek, nakahanda at nakapag-ipon siya.

Samantala, wala pang kumpirmasyon kung tuloy ang tambalang teleserye nina Derek at Andrea Torres na Sanggang Dikit sa GMA-7.

Nang maging sanggang warak ang dalawa, tamang-tama na pumalit si Andrea kay Megan Young bilang second wife sa teleseryeng Legal Wives.

Kaya mga hola chika, wait lang kung kailan magiging legal wife ni Derek si Ellen.

Pinanabikan din na magkatrabaho muli sina Derek at Bea Alonzo.

Mainit ang chemistry nila sa pelikulang Kasal (2018).

‘Di ba natsismis pa sila dati na nagpakasal?

The post Derek nililihim ang eksaktong petsa ng kasal kay Ellen appeared first on Police Files! Tonite.

Source: Police Files Tonite