Ni PETER S. LEDESMA
LEVEL up na ang career ni Marion Aunor, aside sa pagiging sikat na recording artist at movie actress ay may sarili na ring record label na Wild Dream Records kasosyo ang big boss ng Viva Films na si Boss Vic del Rosario.
At dahil mabilis magtrabaho ay may unang project na si Marion sa kanyang record label at ito ay ang debut single niyang “KAMA” na kinompos at kinanta.
Napanood na last September 8 sa kanyang social media account ang music video nito na sexy and provocative ang dalaga ni Ma’am Maribel Aunor at umani ito ng maraming views and likes. Pwede nang i-download ang KAMA sa mga sikat na streaming platform gaya ng Spotify at Apple Music etc.
***
JC Garcia May Bagong Segment Sa JC GARCIA LIVE Na “REQUEST MO, KAKANTAHIN KO”
Palaki nang palaki na ang following ng Online TV show ni JC Garcia na “JC GARCIA LIVE” na napapanood every Sunday, 12:00 noon to 2:00 PM sa BEST TV 31 at ATC INTERNATIONAL na simulcast sa Warisan Multi-Media Purposes, Heritage TV at JNC(JORD NETWORK CHANNEL).
At excited na si JC at mga co-host na sina Direk Erwena Arguelles at Ms. Twinkle Wenceslao sa bagong segment na kanilang idadagdag sa show. Ito ay ang “Request Mo, Kakantahin Ko” na si JC mismo ang kakanta ng requested songs. Every episode ay pwedeng kumanta ng 1 to 2 songs si JC kaya sa mga viewers ng JC GARCIA LIVE ay simulan niyo ng ipadala ang inyong mga favorite song at ilagay lamang ito sa comment box.
Yes, kahit na madugo ang rehearsal ay gagawin ni JC dahil mahal niya ang kanyang viewers na since umere ang kanyang show ay parating nakasuporta sa kanya. Yes, any song na kayang kantahin ng kaibigan naming international recording artist (JC) ay kanyang iga-grant. Magse-selebreyt ng kanyang birthday this September 30 si JC, at ngayon pa lang ay ang dami ng bumabati sa kanya.
***
Talent Ni Direk Reyno Oposa Na Si Alquin Gaddi Bibida Na Sa “DisiOtso” Movie Series
Yes you read it right, pagbibidahin na ni Direk Reyno Oposa ang bagong tuklas na talent na si Alquin Gaddi sa sinulat at ididirek nitong “DisiOtso Movie Series” na nakatakdang ipalabas sa official Youtube Channel ni Direk na Reyno Oposa na almost 10K na ang subscribers.
Ayon kay Direk Reyno nang amin itong maka-chat lately ay naniniwala siya na mabigyan lang ng magandang break si Alquin ay mapapansin din ito sa showbiz. Taglay raw kasi ng kanyang alaga ang lahat ng qualities para maging star idagdag pa ang innocent look nito na kabigha-bighani.
Oo nga naman malakas talaga ang dating ni Alquin na madalas pagkaguluhan sa mga sinasalihang male beauty pageant. At sa kaguwapuhan nito at inosenteng itsura ay bagay sa kanya ang bumida sa DisiOtoso Movie Series na soon ay sisimulan na ang shooting.
The post Latest single na “Kama,” first project ni Marion sa sariling Wild Dream Records appeared first on Police Files! Tonite.
Source: Police Files Tonite
Walang komento: