NANAWAGAN ang human rights group na Karapatan na magsagawa ng agarang imbestigasyon sa pagkamatay ni Elena Tijamo, isang development worker na dinukot sa Cebu noong nakaraang taon at natagpuang patay nitong Martes sa Mandaluyong City.
Ayon sa kapatid ni Tijamo na si Violeta, dinukot si Elena ng apat na armadong lalaki sa Bantayan Island noong June 13, 2020.
Hindi nakilala ni Violeta ang abductors dahil mga naka-mask ang mga ito.
Dagdag nito, nagagawa naman tumawag ni Elena sa kanyang pamilya at kinakamusta niya ang mga ito.
Ayon kay Violeta, huli niyang nakausap ang kapatid noong May 13.
Ayon sa Karapatan, nag-isyu ng death certificate ang attending physician sa VRP Medical Center sa Mandaluyong para sa isang Ava Perez Reyes, na namatay sa cardio pulmonary arrest at aspiration.
Ibinigay ang death certificate sa isang “Michael” na sinasabing kapatid ni Tijamo noong August 30.
Napag-alaman pa na tinawagan ni Tijamo si Michael noong August 27, para sabihin sasailalim siya sa operasyon sa nasabing ospital.
Sinabi ni Violeta na naging matagumpay naman ang operasyon base narin sa pahayag na kanilang kapatid na si Michael.
Sinabi ni Violeta na naniniwala siyang ang pagdukot sa kanyang kapatid ay maaaring may kinalaman sa kanyang pagkamatay.
Nagtatrabaho si Elena bilang coordinator ng Farmers Development Center-Central Visayas (FARDEC).
Ang nasabing grupo ang na-red-tagged ng National Task Force to End Local Communist Armed Conflict (NTF-ELCAC).
“Yung FARDEC kungsaan po nagtatrabaho, nagsisilbi bilang coordinator si Ate Elena, ay isa doon sa mga nabanggit o nilista ng AFP at NTF-ELCAC sa Kongreso. At actually ngayon pwede ninyong i-Google eh, doon po sa Facebook page ng NTF-ELCAC, at lagi yung binabanggit, so tingin namin, yun yung koneksyon ng red-tagging.”
Hanggad ni Violeta na maiuwi ang bangkay ni Tijamo sa kanila, at magsagawa ang otoridad ng agarang imbestigasyon.
The post Red-tagged dev’t worker na dinukot sa Cebu natagpuan patay sa Mandaluyong appeared first on Police Files! Tonite.
Source: Police Files Tonite
Walang komento: