NASAWI ang isang bagitong pulis nang masagasaan ng Bicol-bound na trak sa kahabaan ng Quirino Highway, Barangay Poblacion sa Tagkawayan, Quezon, Miyerkoles ng hapon.
Batay sa ulat ni Police Major Marcelito Platino, hepe ng pulisya ng Tagkawayan, nakilala ang biktima na si Patrolman Alvin Taborda, 31, binata, nakadestino sa PNP Maritime at residente sa Quezon City.
Ayon sa report, 2:30 ng hapon minamaneho ng biktima ang kanyang scooter patungo sa Bicol Region nang madulas ito sa kahabaan ng kalye.
Tumilapon ang biktima at tiyempo namang dumarating ang Bicol- bound na Isuzu trailer truck na minamaneho ni Renato Abong, 54, ng Tiwi, Albay at nasagasaan ito.
Sa halip na huminto upang tulungan ang biktima, mabilis na pinaharurot ni Abong ang minamahehong trak.
Hindi naman tuluyang nakatakas ang driver at naaresto rin ito.
The post Pulis lasog sa sagasa ng trak appeared first on Police Files! Tonite.
Source: Police Files Tonite
Walang komento: