PATAY ang isang political officer ng New People’s Army (NPA) nang makasagupa ang mga miyembro ng 30th Infantry Battalion, Philippine Army, sa bulubunduking bahagi ng Sitio Suoton, Barangay Cagdianao, Claver, Surigao del Norte, nitong Huwebes.
Kinilala ang nasawi an si Alyas “Asyong”, Vice Platoon Kumander at Political Officer ng SYP Platun 16C1, Guerilla Front 16 at Northeastern Mindanao Regional Committee.
Ayon kay 2nd Lieutenant Benjamin Elisano, Civil Military Operation Officer ng Philippine Army, nagpapatrolya ang mga sundalo sa lugar nang makatanggap ng sumbong mula sa mga residente sa lugar kaugnay sa presensiya ng mga armadong terorista.
Habang nagpapatrolya, nakasagupa ng mga sundalo ang nasa 10 NPA na pinamumunuan ni Roel T Neniel o mas kilala bilang alyas “Jacob.” Tumagal ng 15 minuto ang bakbakan na nagresulta sa pagkasawi ni Ka Asyong.
Nakuha rin sa pinangyarihan ang mga matataas na kalibre ng baril tulad ng 2 AK47 rifle, isang M14 rifle, isang bandolier, 2magazines ng AK47 at 7 magazines ng M14 na may kasamang mga bala, at iba’t ibang supply ng mga pagkain at mga gamot. (Mark Obleada)
The post Political officer ng NPA patay sa engkwentro appeared first on Police Files! Tonite.
Source: Police Files Tonite
Walang komento: