Ni ROMMEL GONZALES
HINDI nagpahuli si Legal Wives actress Bianca Umali na makisali sa isa sa mga nauusong dance cover sa TikTok tampok ang awiting ‘Inferno’ ng half-Filipino influencer na si Bella Poarch at American singer na si Sub Urban.
Makikita sa video ang sweet and sexy moves ni Bianca suot ang hot pink one piece at purple cargo pants.
Ang nasabing video ay umabot na sa mahigit 5 million views sa loob lamang ng isang araw matapos ito i-upload.
Napapanood ngayon si Bianca sa GMA primetime series na ‘The Legal Wives’ bilang si ‘Farrah’ na isang batang Muslim.
Kabilang din si Bianca sa dark fantasy thriller series na ‘Halfworlds’ sa direksyon ni Direk Mikhail Red na mapapanood sa HBO Asia Original Series.
***
SA Stories From The Heart: Loving Miss Bridgette ay magkakaroon si Marcus (played by Kelvin Miranda) ng relasyon sa kanyang teacher na si Bridgette na gagampanan naman ni Beauty Gonzales.
Sa tunay na buhay raw ay naranasan na ni Kelvin na magkagusto sa kanyang teacher.
“Parang, impusive po, kasi may pagkaganun akong klase ng tao nung high school, sobrang impulsive ko talaga so hindi ko mapigilan yung mga nararamdaman ko, sinasabi ko talaga siya. Actually may ganun pa rin naman ako ngayon pero nabawas-bawasan na.
“Pero kasi nung high school ako, nasabi ko po sa teacher ko yun, as in na may gusto ako sa kanya.”
Ang isinagot daw ng kanyang teacher ay hindi puwede.
“Pero in a nice way niya naman po sinabi, na hindi talaga magwo-work.”
Lagi raw siyang present at ganado sa klase ng naturang teacher.
“Motivated ako kapag siya yung nagtuturo.”
Ang Stories from The Heart: Loving Miss Bridgette (directed by Adolf Alix, Jr.) ay mapapanood na simula bukas Lunes, September 15, 3:25 pm pagkatapos ng Nagbabagang Luha sa GMA.
Bukod kina Kelvin at Beauty ay tampok rin dito sina Bing Loyzaga, Lloyd Samartino, Noel Colet, Tart Carlos at sina Pamela Primster, Shanicka Arganda, Nikko Co at Adrian Alandy.
***
TULAD ni Maxine Medina ay may mga Kapamilya na naglipatan sa GMA tulad nina Bea Alonzo, Pokwang at Beauty Gonzales, ano ang masasabi niya tungkol dito?
“I think it’s a good thing for us, actors/entertainers, that we explore all the opportunities around us. Most especially in the showbiz industry, it’s not a one-way benefit, not only just because we are all in the midst of pandemic.
“I think it’s a good thing that we are all helping, that each and every one can contribute in lifting everyone up through acting and to bring entertainment for the people to help lessen their anxiety nowadays.”
Si Maxine ay isang beauty queen na tulad ni Rabiya Mateo; iisa rin ang mentor nila, si Jonas Gaffud na Creative Director ng Miss Universe Philippines organization at pinuno ng Empire.PH.
Si Maxine ay nanalong Binibining Pilipinas-Universe 2016; siya ang kinatawan ng bansa sa Miss Universe 2016 na ginanap sa Mall Of Asia Arena dito sa Pilipinas na ang kinoronahan ng 2015 Miss Universe na si Pia Wurtzbach ay si Iris Mittenaere ng France.
Ano ang maipapayo ni Maxine sa mga kasali sa Miss Universe-Philippines ngayong taong 2021?
“Don’t be afraid to show them who you are because nothing is impossible now. You can be everything you can, be anything in the universe.”
The post Sa loob lang ng 1 araw… Bianca umabot ng 5-M views ang Tiktok video appeared first on Police Files! Tonite.
Source: Police Files Tonite
Walang komento: