Sanya deny-to-death na lumaki na ang ulo

Ni ARCHIE LIAO

IDINENAY ng Kapuso actress na si Sanya Lopez ang akusasyon ng ilan sa kanyang bashers na lumalaki na raw ang kanyang ulo.

Aniya, hindi raw mangyayari iyon dahil hindi anya kailanman niya nakalilimutan ang kanyang pinagmulan.

Katunayan, naa-appreciate raw niya ang lahat ng blessings na dumating sa kanya lalo na sa kanyang karera.

Utang daw niya ito sa mga taong tumulong at sumuporta  sa kanya simula nang pumalaot siya sa showbiz.

Medyo “uncomfortable” rin daw siya kapag sinasabing isa siya sa mga pinaka-in demand na actress sa kasalukuyan.

“Nahihiya po ako kasi kapag ganyan po ang sinasabi sa akin, hindi ko pa pini-feel talaga,” ani Sanya. “Every time na may nagsasabi sa akin na ikaw ang ganyan… hindi po, e, kasi parang ang dami ko pang kailangang patunayan pa para masabing ganun. Pero thankful po ako na ang dami-daming projects na ibinibigay sa akin ng GMA. Of course, ngayon, dumagdag pa ang Regal na talaga naman simula noong umpisa ay isa sa mga unang nagtiwala sa akin. Kaya sabi ko kulang ‘yung pasasalamat lagi para maibalik sa kanila ‘yun. Kailangan ko talagang galingan para maibalik ko sa kanila and thank you po talaga doon,” dugtong niya.

Si Sanya ay pang-buwena mano ng Regal Studio Presents sa pilot episode na “That Line Between”  kapareha  si Ken Chan.

***

 John Arcilla kaliga na nina Brad Pitt, Sean Penn at Ben Affleck

SA unang pagkakataon, isang Pinoy ang nagwagi ng best actor award  sa katatapos na Venice Film Festival na ang jury president ay ang Academy award-winning director na si Bong Joon Ho ng “Parasite” fame.

Kaya naman masasabing kaliga na ni John Arcilla ang Hollywood actors na sina Brad Pitt, Sean Penn, Ben Affleck, Joaquin Phoenix, Michael Fassbender, Willem Dafoe, Colin Firth at Liam Neeson na past winners din ng Volpi award for best actor sa nasabing A-list filmfest.

Sa six-part HBO Asia original series na “On The Job: The Missing 8”, kinabog ni John ang mga kalabang sina Benedict Cumberbatch, Antonio Banderas, Oscar Isaac at Tim Roth sa much-coveted na Volpi Cup para sa best actor category.

Si Arcilla ay maihahanay na kay Jaclyn Jose na nagwagi naman ng best actress sa Cannes Filmfest bilang best actress.

Ang Cannes, Berlinale at Venice ang maituturing na top three A-list filmfests sa buong mundo.

The post Sanya deny-to-death na lumaki na ang ulo appeared first on Police Files! Tonite.

Source: Police Files Tonite