PATAY ang isang aktibong pulis na sangkot sa pagbebenta ng mga baril sa buy bust operation sa Placer, Masbate.
Kinilala ang napatay na si SSgt Grafilo Pahilino Jr., intelligence officer ng Placer Municipal Police Station.
Ayon kay Brig. General Fynn E. Dongbo, direktor ng Integrity Monitoring and Enforcement Group (IMEG), 7:30 ng umaga nang magsagawa ng buy bust operation ang mga elemento ng PNP IMEG Luzon Field Unit sa Barangay Matagangtang, Placer.
Nakatunog ang suspek na pulis ang kanyang nakatransakyon at isang entrapment operation ang nangyayari kaya’t mabilis na nagbunot ng baril at pinaputukan ang mga ito. Tinamaan sa kaliwang braso ang agent, kaya’t agad na sinaklolohan ng mga kasama at paputukan ang suspek.
Agad dinala ang suspek sa hospital at sugatang pulis, ngunit hindi na umabot ng buhay ang una.
Narekober sa suspek ang 9mm pistol, 2 magazines, 3 Cal 38 revolvers at buy bust money.
Sinabi ni Dongbo na sangkot si Pahilino sa pagbebenta ng mga baril sa lalawigan ng Masbate, konektado sa Bastillos Drug Group, at protektor ng ilang drug personalities sa Masbate.
Hinikayat ni Dongbo ang publiko na i-report ang mga pulis na sangkot sa iligal na aktibidades sa PNP IMEG Hotlines: SMART- 09989702286 or GLOBE- 09957952569. Facebook Page: Integrity Monitoring Enforcement Group. Twitter Account: @imeg2017.
(Mark Obleada)
The post PARAK NA GUNRUNNER BULAGTA SA BUY BUST! appeared first on Police Files! Tonite.
Source: Police Files Tonite
Walang komento: