Ni BETH GELENA
TRENDING ang picture ng Dabark ads Eat Bulaga hosts sa social media na pinost ng GMA news repoeter na si Mariz Umali.
Isang mapanuring mata ng netizen ang nakahagip sa picture na nasa TV screen nila ang It’s Showtime ng Kapamilya.
Hindi nakaligtas sa netizen ang noontime program ng ABS-CBN na katapat ng programa ng Eat Bulaga.
Makikita doon ang isa sa mga kalahok sa isang patimpalak sa It’s Showtime at nakalagay din ang A2Z sa monitor.
Kasama ng GMA reporter ang mga host ng EB na sina Miles Ocampo, Paolo Ballesteros, Jose Manalo, Maja Salvador, Ryzza Mae Dizon at Maine Mendoza sa mga host na kasama niya sa larawan na pinost niya sa kanyang Instagram account.
Nilagyan niya ito ng caption, “an exceptionally wonderful afternoon with the @eatbulaga1979 dabarkads @pochoy_29 @mainedcm @allan_klownz @maja @josemanaloupdates @ryzzamaedizon_ @ryan_agoncillo @milesocampo Thank you EB for guestìng In your #DancingKween segment.”
Ang nasabing segment ay grand finals noong Sabado, July 16 na umpisa naman ng pagsasanib-pwersà ng Tropang LOL ( Lunch Out Loud) at ng it’s Showtime sa TV 5.
***
ALEXA MIRO NILAGLAG NG TLOL
Guest host sa Tropang LOL ang girlfriend ni Congressman Sandro Marcos na si Alexa Miro.
Sa naturang programa ay nilalaglag ng mga host na sina Billy Crawford, Wacky Kiray at maging ng kanilang guest celebrity contestant sa Maritest segment na si Matteo Guidicelli si Alexa.
Pinaaamin nila ang sexy actress kung ano ba ang totoo sa kanila ng anak ni Presidente BongBong Marcos.
Ayon kay Alexa: “walang aaminin. Magkaibigan lang kami” na hindi naman pinaniniwalaan ng mga nasa loob ng Tropang LOL studio.
Nakaka-aliw din naman panoorin ang rumored girlfriend ni Cong. Sandro.
Kahit siya ang tampulan ng panunukso ng TLL hosts ay game naman niyang sinasagot ang mga panlalaglag ng mga ito.
Yun nga lang hindi siya mahulihuli ng hosts. Hindi talaga nila mapaanim ang sexy actress.
Ang saya ng kanilang Maritest segment.
Lahat ng cebrities na nanonood ay kanilang binanggit.
Una ay si Ariel Rivera. Sabi pa ni Billy nami-miss na nila ang actor-singer. Dating kasama bilang host si Ariel sa LOL.
Maging si Aga Muhlach ay nanonood din daw.
Biglang kambyo ni Billy kay Matteo, “si Mommy D nanonood din.”
Napamulagat si Matteo na parang nagtatanong kung sinong Mommy D.
Sambit agad ni Billy, “si Mommy Dionisia” saka nagtawanan ang lahat.
Aliw namang biniro ni Matteo si Alexa, may isa pa raw na nanonood ng TLOL, “si Sandro” sabay focus ng camera kay Alexa.
Reaksyon niya, walang nagawa kundi magtakip na lang ng mukha.
Anyway, live ang TLOL at pinagsisigawan nilang trending sila.
Nasa number 4 daw sila as top trending sa social media.
Samantala, marami ang nagtatanong kung regular host na rin daw ba si Alexa sa TLOL.
JENNICA GARCIA NADISMAYA SA MUSHROOM NA BINILI SA GROCERY
Nawindang si Jennica Garcia sa
mushroom na binili niya sa grocery para gawing mushroom soup.
Nang isasahog na niya ang mushroom laking dismaya ng aktres dahil halos wala raw mushroom na laman ang label nito sa sobrang kokonti.
Aniya, ang dami raw sa picture ng produkto , pero sa loob ay halos walang mushroom na nakalagay as in kokonti raw talaga.
Ibinahagi ni Jennica sa kanyang Instagram ang pagkadismaya sa mushroom soup experience.
Magkagayunman ay niluto pa rin niya ang mushroom at in-imagine na lang daw niya na may mushroom siyang nakikita sa soup.
In fairness naman daw nang maluto ang mushroom soup ay nalalasan naman daw
ang mushroom.
Nakuntento na rin daw siya sa lasa.
Kaya ang assessment niya sa mushroom soup ay “YUNG BUMILI KA NG MUSHROOM SOUP SA GROCERY… Sa picture ang daming po buong mushroom, pero nung niluto mo wala naman po. Pero bigay po natin sa brand na lasang mushroom naman po talaga. Hindi niyo nga lang po makikita. Bali IMAGINE lang po natin na may mushroom po.”
O di ba kahit nadismaya ang aktres sa kakapiranggot na mushroom na nakalagay sa label maganda pa rin ang kanyang reaksyon.
Bottomline ay ayaw niyang siraan ang produkto
The post IT’S SHOWTIME NAHAGIP SA MONITOR NG EAT BULAGA appeared first on Police Files! Tonite.
Source: Police Files Tonite
Walang komento: